कोरियन भाषा परीक्षाको फारम भर्ने युवाहरूमा उत्साह कम बाध्यता धेरै

Loading...

पहिले फारम भरेर बुझाउनेहरुको परीक्षा पनि चाँडो हुने र पास भएमा छिटो जान पाइने भन्दै  कोरियन भाषा परीक्षाको शुल्क बुझाउन  ग्लोबल आइएमई बैंकको शाखा कार्यालयमा लाइन लाग्ने युवाहरूले अाफ्नाे भविष्य नेपालमा  सुिनश्चित नभएकाले दुःख गरेरै भएपनि विदेश जानुकाे बिकल्प नभएकाे बताएका छन् ।

फारम भरेर पैसा बुझाउन लाम्बद्ध युवाहरूमा उत्साह कम र बाध्यता छर्लङ्गै देखिन्थ्याे । उनीहरू यसरी राज्य बिकास गतिमा अघि बढ्न नसक्दा बराेजगार हुनुपरेकाे र अाफूहरू बिदेश जान बाध्य भएकाे बताए ।‘चाँडो फारम भर्दा परीक्षा पनि चाँडो हुन्छ, अनि पास भए पहिलो लटमै जान पाइन्छ भन्ने सुनेर रातिदेखि नै लाइन बसेको हो’ एक युवाले यस्ताे भने ।

बैंकमा पहिले पैसा बुझाएर त्यसकै भौचर नम्वर अनलाइन फारम भर्दा चाहिने भएपछि पहिले नै युवाहरु बैंकका शाखामा लाइन लाग्न थालेका हुन्। परीक्षा शुल्क २४ अमेरिकी डलर अर्थात करिब २५१० रुपैयाँ तोकिएको छ।

ग्लोबल आइएमई मात्रै नभई अरु बैंकहरुबाट पनि शुल्क लिएको भए सास्ती कम हुने लामबद्ध युवाहरुको बुझाई छ।इपिएस कोरिया शाखाले भने आफूहरुको ‘डलर खाता’ ग्लोबल आइमई बैंकमा भएकाले यही बैंकमार्फत शुल्क लिइएको जनाएको छ। ‘शुल्क डलरमा भुक्तानी हुन्छ, हाम्रो डलर भुक्तानी खाता यही बैंकमा छ, यस्तो खाता धेरै बैंकमा खोलीरहनुपर्ने पनि होइन’ शाखाका सूचना अधिकृत शोभाकर भण्डारीले भने ‘त्यसकारण यो बैंकमार्फत नै शुल्क लिइएको हो।’

बैंकका ११८ शाखाहरुबाट छुट्टै काउन्टरहरु राखेर शुल्क लिइएकाले कुनै असहजता नरहेको उनले दावी गरे। पहिलो दिन नै फारम भर्नुपर्ने सोचका कारण पहिलो दिन भीड देखिएको उनले बताए। यदी अन्तिम दिनसम्म यस्तै भीड रहे, आगामी वर्षहरुमा अन्य बैंकमार्फत पनि आवेदन लिन सकिनेगरी इपिएस शाखा अघि बढ्ने उनले जानकारी दिए।

‘पहिले ४ दिन मात्रै फारम भर्ने अवधि हुन्थ्यो, अहिले १० दिन छ, आत्तिनुपर्ने कारण नै छैन’ भण्डारीले भने ‘पहिले १० ठाउँबाट आवेदन लिने गरेकोमा अहिले ११८ ठाउँबाट शुल्क बुझाउन पाइन्छ।’

पहिलेजस्तो ४ दिनभित्रै आवेदन बुझाउनुपर्छ भन्ने सोचका कारण पनि युवाहरुमा हतारोपन देखिएको उनले बताए। भण्डारीका अनुसार पहिलो दिन मात्रै ३० हजार ४ सयले शुल्क बुझाएका छन्। दोस्रो दिन पनि सोही संख्यामा आवेदन पर्ने उनको अनुमान छ।

ग्लोबल आइएमई बैंकले पनि कोरियन भाषाको परीक्षा शुल्कका लागि छुट्टै काउन्टर राखेर व्यवस्थित गरिएको दावी गरेको छ। मिडिया एण्ड मार्केटिङ टिपार्टका अधिकृत प्रशान्त न्यौपानेले कोरियन भाषाका लागि कर्मचारीहरु थप गरेर छुट्टै काउन्टरहरु राखिएको बताए।

‘धेरै युवाहरुलाई १० दिनको अवधि छ, भन्ने कुरा थाहा नभएर पनि हुन सक्छ, पहिलो दिन नै सबै आत्तिएकाले भीड देखिएको हो’ उनले भने। चैत १८ गतेसम्म फारम भर्न पाइने इपिएस शाखाले जनाएको छ।

पहिलो दिनभन्दा दोस्रो दिन भीड केही घटेको उल्लेख गर्दै न्यौपानेले ३/४ दिनपछि यी काउन्टर नै खाली हुने दावी गरे।  परीक्षार्थीहरुमा पहिलो दिन फारम भर्दा पहिलो सिफ्टमै परीक्षा पर्ने र सो सिफ्टमा प्रश्नपत्र पनि सजिलो पर्ने मान्यता रहँदै आएको पाइन्छ। ‘दुई दिन दुई दुई सिफ्टमा परीक्षा हुन्छ, पहिलो सिफ्टमा परेमा प्रश्नपत्र पनि सजिलो हुन्छ’ आलेले भने।

जेठ २६ र २७ गते भाषा परीक्षा हुँदैछ। परीक्षाका लागि आवेदकले काठमाडौं वा पोखरा केन्द्र छनौट गर्न पाउने छन्। यसको रिजल्ट २०७५ असार १६ सार्वजनिक गरिने इपिएस शाखाले जनाएको छ।

शाखाका अनुसार उत्पादनमूलकतर्फ ४ हजार ८ सय र कृषितर्फ २ हजार ३ सय गरी ७ हजार १ सय जना परीक्षाबाट उत्र्तिर्ण हुने छन्।

Loading...

Similar Posts :


21

वैशाखसम्म पाइपलाइनबाटै तेल आपूर्ति

अमलेखगञ्ज-रक्सौल पेट्रोलियम पाइपलाइनको पाइप बिछ्याउने काम सकिए संगै बैशाख सम्ममा पाइपलाइन मार्फत तेल ल्याइने नेपाल आयल निगमले जनाएको छ । निगमले परवानीपुर खण्डमा सडकपेटी...

५ महिनामा ८९ अर्बको कृषि वस्तु आयात

मुलुकले पछिल्लो पाँच महिनामा ८९ अर्ब रुपैयाँ बराबरको कृषिवस्तु भित्र्याएको छ । एकातिर खेतीपातीका लागि सिँचाइ, मलबीउ, यन्त्रलगायत बजारीकरणको अभाव अर्कोतिर उपभोक्ताको उच्च मागका कारण...

मेलम्चीको काम अवरुद्ध पार्नेहरुमाथी कारबाहीको माग

प्रतिनिधिसभाका सांसदहरुले मेलम्ची खानेपानी आयोजनाको काम अवरुद्ध पार्नेहरुमाथि कडा कारबाही गर्न सरकारसँग माग गरेका छन । संघीय संसदको विकास तथा प्रविधि समितिको मंगलबारको बैठकमा...

सुष्मा महरा काठमाडौं मलको समस्या समन्वय समितिको सभापतिमा चयन

काठमाण्डौं – काठमाडौं मलको समस्या समन्वय समितिको सभापतिमा सुष्मा महरा चयन भएकी छन् । काठमाण्डौंमलको जिम्मा लिएका राजु गोरखालीलाई सञ्चयकोषले हटाएपछि मलमा देखिएको समस्या...

नेपाल महिला चेम्बरमा उर्मिला श्रेष्ठ

नेपाल महिला चेम्बर र नेपाल चेम्बर अफ कमर्सले इजरायलका लागि नेपाली राजदूतमा डा. अन्जान शाक्य नियुक्त हुनु भएकोमा बधाई ज्ञापन गरेको छ । नेपाल...

जापानले नेपाली कामदार लान औपचारीक ‘ड्राफ्ट’ पठायाे

जापान सरकारले कामदार लिने सम्बन्धमा नेपाल सरकारलाई औपचारीक ‘ड्राफ्ट’ पठाएको छ। उक्त ‘ड्राफ्ट’मा आवश्यक छलफल गरी निष्कर्ष निकाल्न पनि जापान सरकारले आग्रह गरेको छ।...
loading...
Loading...

नेविसंघका ८ पदाधिकारीले सामूहिक राजीनामा दिए

नेपाली कांग्रेसको भातृ संगठन नेपाल विद्यार्थी संघ (नेविसंघ)का ८ जना पदाधिकारीले सामूहिक राजीनामा दिएका...

असन्तुष्ट पक्षसँग वार्ता गर्न सधैं ढोका खुला छ : रवीन्द्र मिश्र

विवेकशील साझा पार्टीका संयोजक रविन्द्र मिश्रले पार्टी फुटले बैकल्पिक राजनीतिक शक्ति निर्माणमा नसोचेको अवरोध...

विश्वकै पहिलो १ हजार जीबी क्षमताको मेमोरी कार्ड

लेक्सारले विश्वकै अहिलेसम्मको सबैभन्दा धेरै स्टोरेज क्षमता भएको मेमोरी कार्ड सार्वजनिक गरेको छ ।...