पार्टी एकता हुन नदिने खेल भईरहेपनि हल्लाखल्ला नगरी एकता गर्छाै

Loading...

नेकपा माओवादी केन्द्रका अध्यक्ष पुष्पकमल दाहालले पार्टी एकता हुन नदिने खेल भईरहेको बताएका छन्।पार्टी एकता संयोजन समितिले आइतबार नेपाल कम्युनिष्ट पार्टीको ६९ औं स्थापना दिवसको काठमाडौंमा आयोजना गरेको कार्यक्रममा सम्बोधन गर्दै उनले यस्तो धारणा राखेका हुन्। उनले अब छिटै नयाँ केन्द्रीय कमिटी बनाउने समेत बताए।

वैचारिक, राजनीतिक, सांगठनिकलगायत विषय निष्कर्षतिर पुर्‍याइसकेको भन्दै दाहालले एकता प्रक्रिया नबिग्रिएको दाबी गरे। उनले सम्ममानजनक ढंगले एकता गर्नुपर्नेमा जोड दिए।

वैशाख ९ गते नै पार्टी एकता गर्ने कार्यदलले प्रस्ताव गरेको उल्लेख गर्दै उनले आफूहरुले निर्णय गरिनसकेको बताए। ‘वैशाख ९ गते एकता भनेर मिडियाले हल्ला गरे, कार्यदलले प्रस्ताव गरेको हो। हामीले निर्णय गरेका थिएनौं’ उनले भने, ‘हल्ला भएपछि त्यो दिन हुँदैन भन्ने बुझ्नुपर्छ। जुन दिन हुँदैन भनिन्छ, त्यो दिन हुन्छ।’

लामो समयदेखि कम्युनिष्ट केन्द्र निर्माणको लागि एकताको छलफल र बहस चलेको उल्लेख गर्दै दाहालले बल्ल निष्कर्षमा पुग्न लागेको बताए। आफूहरु राष्ट्रको विकास र नेतृत्व गर्ने गरी शक्तिशाली कम्युनिष्ट केन्द्र बनाउने दिशामा रहेको दाहालको भनाइ थियो। ‘शक्तिशाली कम्युनिस्ट केन्द्र बनाउने हो। दुई पार्टीमात्रै मिल्ने होइन, राष्ट्रिय एकता, समृद्धिको लागि हामी एक भएर अगाडि बढ्छौं।’ हतारमा पार्टी एकता गरेर पश्चताप गर्ने पक्षमा आफूहरु नरहेको उनले बताए। दाहालले एकताबाट दायाँबायाँ गर्ने छुट एमाले र माओवादीलाई नभएको भनाइ दोहोर्‍याएका छन्।

कम्युनिष्ट पार्टी स्थापना दिवसको अवसरमा आईतबार राजधानीको राष्ट्रियसभागृहमा आयोजित संयुक्त कार्यक्रमलाई सम्बोधन गर्दै उनले एकता हुन नदिन मुलुकको राजनीतिक वृतमा धेरै प्रकारका खेल भईरहेको बताएका हुन्।

मुलुकमा समय अनुसार चलेका हल्ला,शक्ति र स्वार्थको टकरावका कारण पार्टी एकता हुन नसक्ने भन्दै उनले कसैलाई थाहा नै नदिई एकताको घोषणा गरिने बताए। एकताका लागि जुटेका दललाई उचाल्ने काम भईरहेको भन्दै उनले दुवै दलले संयमता अपनाउनु आवश्यक रहेको बताए। ठूलो पार्टी हुँदाको अनुभूति माओवादी र एमाले दुवैले गरेकाले दुई ऐतिहासिक धार र भूमिकाका दलले एक अर्कालाई सम्मान गर्दे अघि बढ्नुपर्ने बताए।

उनले पार्टी एकताबाट विच्चलित भए आफूहरूलाई जनताले छुट नदिने बताए। ठूला समस्याहरुलाई हल गर्न सक्ने पार्टी र नेताको रुपमा जनताले आफूहरुलाई भरोसा गरेकाले एकताका लागि आफुहरु जनताको घेरामा परिसकेको उनको भनाई थियो ।

उनले समानताको आधारमा सम्मानजनक र न्यायोचित परिस्थिति लाई विचार गरेर बुद्धिमतापूर्वक एकता गर्नुपर्नेमा दुई शीर्ष नेताबीच सहमति भएको जानकारी गराए।

दुवै दलले दुवैका संवेदनशिलता बुझेर अघि बढ्नुपर्नेमा जोड दिदै उनले सकारात्मक रुपमा नेतृत्वलाई सहयोग गर्न दुवै दलका कार्यकर्तालाई आग्रह गरे। विगतमा सामान्य विषयमा झगडा गर्ने पार्टीले समयको आवश्यकता बुझेर पार्टी एकतामा प्रतिवद्ध रहेको अवगत गराए।

सम्बोधनको सुरुमा नै अध्यक्ष दाहालले पार्टी एकतासँग सम्बन्धीत बैचारिक र सांगठनिक काममा तल्लिन हुनु परेकाले ध्यान पुर्‍याउन नसकेकाले कार्यक्रममा केही त्रूटी हुन पुगेको स्पष्ट पारे। आज देखिएको थोरै जोल्टिङले एकताप्रतिको आफ्हरुको प्रतिवद्धतालाई अझ दृढ बनाएको उनको भनाई थियो ।

सम्बोधनका क्रममा उनले राजनीतिक अराजकता र अस्थिरता अन्त्य गर्दै मुलुकलाई सम्वृद्ध तर्फ लैजाने सन्र्दभमा नै पार्टी एकताको बिजारोपण भएको भन्दै त्यस क्रममा भएका भेटघाट र वार्तालापको फेयरिस्त राखे। उनले शान्ति सम्झौता लगायतका विगतका विभिन्न राजनीतिक घटनाक्रमको स्मरण गर्दै अहिलेको प्राप्तीमा दुई कम्युष्टि पार्टीको महत्वपुर्ण योगदान रहेको दाबी गरे। उनले कम्युनिष्ट एकताको आधार तयार भएकाले पार्टी एकताको अन्तिम विन्दुमा आईपुगेको बताए।

मध्यान्ह १२ बजेको लागि पूर्वनिर्धारित कार्यक्रम व्यानरमा आएको विवादका कारण अपरान्ह ४ बजे पछि मात्रै सुरु भएको थियो । कम्युनिष्ट पार्टीको स्थापना दिवसको अवसरमा नेकपा एमाले र माओवादी केन्द्रले संयुक्त रुपमा गर्न लागेको कार्यक्रममा लेनिन र माओको तस्वीर बिना ब्यानर बनेपछि माओवादी कार्यकर्ताले विरोध गरेका थिए । त्यसपछि दुई दलका शिर्ष नेताबीच दुईवटा ब्यानरमा कार्यक्रम गर्ने सहमति भए अनुसार दुई ब्यानर राखेर कार्यक्रम गरिएको थियो ।

Loading...

Similar Posts :


25

बङ्गलाचुली गाउँपालिकामा आगलागी हुँदा परी परिवारका तीन जनाको मृत्यु

दाङमा आगलागीमा परेर एकै परिवारका तीन जनाको मृत्यु भएको छ । फुसले छाएको घरमा आगलागी हुँदा बङ्गलाचुली गाउँपालिका–८ गुराँसे निवासी नवराज पुनका दुई छोरी...

दूध तथा दुग्ध पदार्थको स्वच्छता एवं गुणस्तर निर्देशिका जारी,दूधमा पानी मिसाए १० हजार जरिवाना

सरकारले दूध तथा दुग्धजन्य पदार्थमा स्वच्छता कायम गर्न निर्देशिका जारी गरेको छ । कृषि तथा पशुपन्छि विकास मन्त्रालयले ‘दूध तथा दुग्ध पदार्थको स्वच्छता एवं...

रामचन्द्र पौडेलद्वारा लिखित ‘नेपाली कांग्रेस र समाजवाद पुनर्निर्माणको मार्ग चित्र’ नामक पुस्तकको विमोचन

कांग्रेस वरिष्ठ नेता रामचन्द्र पौडेलद्वारा लिखित ‘नेपाली कांग्रेस र समाजवाद पुनर्निर्माणको मार्ग चित्र’ नामक पुस्तकको बिहीबार विमोचन गर्दै पूर्वराष्ट्रपति डा. रामवरण यादवले कांग्रेसले तराई...

चाेलेन्द्रशमशेर जबरालाई प्रधानन्यायाधीश नियुक्त गर्न सिफारिस

संवैधानिक परिषद्ले सर्वोच्च अदालतका न्यायाधीश चाेलेन्द्रशमशेर जबरालाई प्रधानन्यायाधीश नियुक्त गर्न सिफारिस गरेको छ । परिषदको बिहीबार बसेको बैठकले न्यायाधीश जबरालाई सिफारिस गरेको परिषद् स्राेतले बताएकाे...

जीप दुर्घटनाहुँदा बेहुलाका आमा-बुवासहित ६ को मृत्यु

दाङको लमही नगरपालिका वडा नम्बर ९ रिहार नजिक जन्ती चढेको जीप र यात्रु बस आपसमा ठोक्किँदा बेहुलाका आमा-बुवासहित ६ जनाको मृत्यु भएको छ ।...

आदित्यनाथको जनकपुर भ्रमणमा प्रदेश सरकारले गर्याे सम्मान

आदित्यनाथलाई प्रदेश २ सरकारले सम्मान गरेको छ । मधेश भवनमा आयोजित सम्मान समारोहमा मुख्यमन्त्री लालबाबु राउतले उत्तर प्रदेशका मुख्यमन्त्री योगीलाई स्वागत गर्दै अभिनन्दन पत्र...
Loading...

बङ्गलाचुली गाउँपालिकामा आगलागी हुँदा परी परिवारका तीन जनाको मृत्यु

दाङमा आगलागीमा परेर एकै परिवारका तीन जनाको मृत्यु भएको छ । फुसले छाएको घरमा...

दूध तथा दुग्ध पदार्थको स्वच्छता एवं गुणस्तर निर्देशिका जारी,दूधमा पानी मिसाए १० हजार जरिवाना

सरकारले दूध तथा दुग्धजन्य पदार्थमा स्वच्छता कायम गर्न निर्देशिका जारी गरेको छ । कृषि...

रामचन्द्र पौडेलद्वारा लिखित ‘नेपाली कांग्रेस र समाजवाद पुनर्निर्माणको मार्ग चित्र’ नामक पुस्तकको विमोचन

कांग्रेस वरिष्ठ नेता रामचन्द्र पौडेलद्वारा लिखित ‘नेपाली कांग्रेस र समाजवाद पुनर्निर्माणको मार्ग चित्र’ नामक...

छोराले घरायसी विवादमा छुरा प्रहार गरी बुबाको हत्या

एसिया कप २०-२० पाकिस्तानले आयोजना गर्ने

बङ्गलाचुली गाउँपालिकामा आगलागी हुँदा परी परिवारका तीन जनाको मृत्यु

दूध तथा दुग्ध पदार्थको स्वच्छता एवं गुणस्तर निर्देशिका जारी,दूधमा पानी मिसाए १० हजार जरिवाना

रामचन्द्र पौडेलद्वारा लिखित ‘नेपाली कांग्रेस र समाजवाद पुनर्निर्माणको मार्ग चित्र’ नामक पुस्तकको विमोचन

नेपालमा आईसी दुई सय रुपैयाँ पनि नचल्ने

चाेलेन्द्रशमशेर जबरालाई प्रधानन्यायाधीश नियुक्त गर्न सिफारिस

जीप दुर्घटनाहुँदा बेहुलाका आमा-बुवासहित ६ को मृत्यु

ईपीएलमा ललितपुर प्लेअफमा प्रवेश

आदित्यनाथको जनकपुर भ्रमणमा प्रदेश सरकारले गर्याे सम्मान