धर्नास्थलमै बिरामी निर्मलाका बुबा ,भेटिएन अभियुक्त

Loading...

निर्मलाका बुबा यज्ञराज धर्नास्थलमै बिरामी परेका छन् रुघाखोकी र ज्वरोले अस्वस्थ उनी भेट्न आएका आफन्तसित बोल्न नसकेर आँसु बगाइरहेका थिए ।सुदूरपश्चिम प्रदेशका आन्तरिक मामिलामन्त्री प्रकाशबहादुर शाह शुक्रबार धर्नास्थल पुगेर निर्मलाका बुबाको स्वास्थ्य अवस्थाबारे जानकारी लिएका छन् । निर्मलाका बुबाआमासँगै भाइबहिनीले मन्त्री शाहलाई हत्यारा पक्राउ गरी न्याय दिन आग्रह गरे ।
साढे ३ महिनाअघि बलात्कारपछि हत्या गरिएकी १३ वर्षीया छोरी निर्मलाका हत्यारा सार्वजनिक गरिनुपर्ने माग गर्दै आइतबारदेखि धर्ना बसेका परिवारलाई साथ र समर्थन जनाउन आउनेसमेत यज्ञराजको अवस्था देखेर भावुक हुने गरेका छन् । बाटो हिड्ने बटुवासमेत एकछिन धर्नास्थल पुगेर आफ्नो समर्थन जनाइरहेका छन् ।
निर्मला घटना मात्रै होइन, त्यसपछि पनि देशमा धेरै बलात्कार र हत्या भइसकेका छन् तर हत्यारा चाँडो पत्ता लगाउनुका साथै अबदेखि यस्तो हुन नदिन सरकारले विशेष पहल गर्नुपर्नेमा सराेकारवालाले जाेड दिएका छन् । भदौ ४ मा प्रहरीले घटनाको मुख्य अभियुक्तका रूपमा भीमदत्त १९, बाग्गेफाँटाका दिलीप विष्टलाई सार्वजनिक गरेपछि आन्दोलनले उग्ररूप लिएको हो । आन्दोलनमा प्रहरीले गोली चलाउँदा १ को ज्यानै गएको थियो ।
साउन १० गते साथीको घर गएकी निर्मला दोस्रो दिन भीमदत्त नगरपालिका २ र १८ को सीमामा मृत भेटिएकी थिइन् । त्यही दिनदेखि पीडित परिवार र स्थानीयले आन्दोलन थालेका हुन् । यज्ञराजसँगै आमा दुर्गा र कान्छीआमा लक्ष्मीमा रक्तचापको समस्या देखिएको छ । पीडित परिवारको धर्नास्थलमै बिहीबार दिउँसो स्वास्थ्य परीक्षण गरिएको थियो ।महाकाली अञ्चल अस्पतालका डा. किशोर बोहरासहितको टोलीले उनीहरूको स्वास्थ्य परीक्षण गर्‍यो । यज्ञराजको रगत परीक्षणमा खासै समस्या नदेखिए पनि लगातार धर्ना र खानाको कमीले जतिबेला पनि स्वास्थ्य गम्भीर हुन सक्ने स्वास्थ्य टोलीले बतायो । स्वास्थ्य परीक्षण क्रममा प्रजिअ तारानाथ अधिकारी, एसपी कुबेर कडायतसमेत धर्नास्थल पुगेका थिए ।

प्रजिअ अधिकारीले यहाँ उपचार हुन नसक्ने अवस्था आए अन्यत्र पठाउने व्यवस्था गर्न छलफल गरेका थिए । यज्ञराजले भने न्याय नपाएसम्म धर्नास्थलबाट कहीँ नजाने अडान लिएका छन् । ‘यतिका दिन आन्दोलन गर्‍यौं, प्रहरी प्रशासनदेखि प्रधानमन्त्रीसम्मलाई भेटिसक्यौं, तैपनि न्याय पाउने थोरै आशा बाँकी छ,’ निर्मलाकी आमा दुर्गाले बताइन् । घटनाको अनुसन्धानमा लापरबाही गर्ने २ प्रहरी अधिकृत बर्खास्त हुनुका साथै ४ निलम्बनमा परेका छन् ।निर्मला घटनाको अनुसन्धान क्रममा प्रहरीले डीएनए परीक्षणका लागि पठाएको नमुना रिपोर्ट नेगेटिभ आएको छ । तिहारअघि ४ जनाको नमुना पठाएकामा कुनैको पनि निर्मलाको भेजाइनल स्वाबमा भेटिएको डीएनएसँग नमिलेको जिल्ला प्रहरीका डीएसपी कृष्णराज ओझाले बताए ।

‘कसैको पनि डीएनए मिलेन,’ ओझाले भने, ‘अब अर्काे सिराबाट अनुसन्धान थाल्छौं ।’ उनका अनुसार डीएनए रिपोर्ट बिहीबार पुगे पनि शुक्रबार मात्रै खोलिएको थियो । प्रहरीले नमुना संकलन गरिएका व्यक्तिको नाम भने खुलाएको छैन । यसअघि पनि ५ जनाको परीक्षण भइसकेको छ ।

Loading...

Similar Posts :


25

सर्वोच्च अदालतका न्यायाधीश जोशीले पदबाट दिए राजीनामा

सर्वोच्च अदालतका न्यायाधीश दीपकराज जोशीले पदबाट राजीनामा दिएका छन् । प्रधानन्यायाधीश चोलेन्द्र समशेर जबरामार्फत उनले मंगलबार राष्ट्रपति समक्ष राजीनामा दिएका हुन् । यसअघि जोशी...

ट्याक्सीमै तपाईंको समान छुट्यो भने पनि चिन्ता नलिनुस् ! भेटिन्छ

काठमाडौं उपत्यकामा चल्ने सबै ट्याक्सीमा चालकको सिटअघि पनि ट्याक्सी नम्बर टाँसिएको हुन्छ । आफू चढेको ट्याक्सीको नम्बर टिप्दा तपाईंलाई नै सहज हुन्छ । यात्रा...

सरकारले एक वर्षको अवधिमा विश्वसनियता गुमाएको कांग्रेसको दाबी

नेपाली कांग्रेसले नेपाल कम्युनिष्ट पार्टी (नेकपा) नेतृत्वको सरकार गठन भएपछिको पहिलो एक वर्ष इतिहासकै सबैभन्दा ठूलो अयोग्यताको शिकार भएको टिप्पणी गरेको छ । केपी...

कसैको भ्रममा नपर्नुस ! जापानमा काम गर्न जाने स्पष्ट खाका तयार छैन

यतिवेला जापानमा काम गर्न जान पाइने अासमा कयाै नेपाली युवाहरू जापनिज भाषा अध्ययन गिररहेका छन् । अाजैमात्र सम्पन्न जापनिज भाषा परिक्षा न्याट टेष्टमा पनि...

नेपालमै अन्तराष्ट्रिय स्तरको पब्लिक स्पिकिङ विशेष तालिम सञ्चालन हुने

आर्टिस्ट नेपाल एकेडेमीले मानिसमा बोल्ने क्षमताको विकास गर्ने उद्देश्यले “पब्लिक स्पिकिङ अभियान“ को सुरुवात गर्ने भएको छ । राजधानीको कमलादी स्थित अन्तराष्ट्रिय स्तरको सुविधा...

७८ लाख रुपैयाँ घुस लिएको विषय सार्वजनिक भएपछि महाअभियोग छल्न अख्तियार आयुक्तले दिए राजीनामा

घुस लिएको प्रमाण सार्वजनिक भएपछि अख्तियार दुरुपयोग अनुसन्धान आयोग (अदुअआ) का आयुक्त राजनारायण पाठकले शुक्रबार पदबाट राजीनामा दिएका छन् । भक्तपुरस्थित नेपाल इन्जिनियरिङ कलेजमा...
Loading...

सर्वोच्च अदालतका न्यायाधीश जोशीले पदबाट दिए राजीनामा

सर्वोच्च अदालतका न्यायाधीश दीपकराज जोशीले पदबाट राजीनामा दिएका छन् । प्रधानन्यायाधीश चोलेन्द्र समशेर जबरामार्फत...

ट्याक्सीमै तपाईंको समान छुट्यो भने पनि चिन्ता नलिनुस् ! भेटिन्छ

काठमाडौं उपत्यकामा चल्ने सबै ट्याक्सीमा चालकको सिटअघि पनि ट्याक्सी नम्बर टाँसिएको हुन्छ । आफू...

सरकारले एक वर्षको अवधिमा विश्वसनियता गुमाएको कांग्रेसको दाबी

नेपाली कांग्रेसले नेपाल कम्युनिष्ट पार्टी (नेकपा) नेतृत्वको सरकार गठन भएपछिको पहिलो एक वर्ष इतिहासकै...