कोरियोग्राफर अश्विनी झालाई ‘एक्सेलेंस इन ब्युटी पेजेन्ट कोरियोग्राफी अवार्ड -२०२६’

नेपालका सफलतम एवं चर्चित कोरियोग्राफर अश्विनी झाले “ग्लोबल स्टार अवार्ड – २०२६ ” मा  “एक्सेलेंस इन ब्युटी पेजेन्ट कोरियोग्राफी अवार्ड” जितेका छन्।
राजधानीको होटल मर्क्युरमा सम्पन्न ‘ग्लोबल स्टार अवार्ड – २०२६ को भव्य समारोहमा कोरियोग्राफर अश्विनी झा वर्षको उत्कृष्ट पेजेन्ट कोरियोग्राफर विधामा सर्वोत्कृष्ट पेजेन्ट कोरियोग्राफरको अवार्ड पाएका छन् । अवार्ड प्राप्त गरेपछि झाले आफूलाई आजसम्म  सहयोग गर्ने सम्पूर्ण टिमका सदस्य, आयोजक तथा शुभेच्छुकप्रति आभार व्यक्त गर्दै आगामी दिनमा अझ उत्कृष्ट काम गर्ने प्रतिबद्धता जनाएका छन्।

विगत लामो समयदेखि ब्युटी पेजेन्ट तथा फेसन क्षेत्रमा सक्रिय कोरियोग्राफर अश्विनीले तीन सयभन्दा बढी सोहरूको कोरियोग्राफी गर्नुका साथै अनेकौ राष्ट्रिय तथा अन्तराष्ट्रिय अवार्ड्स तथा सम्मानहरु प्राप्त गरिसकेका छन्।

कार्यक्रममा आ – आफ्नो क्षेत्रमा उल्लेखनीय योगदान पुर्याउने विशिष्ट व्यक्तित्वहरुलाई पनी  विभिन्न  सम्मानद्वारा सम्मानित गरिएको थियो।